ᖃᕋᓴᐅᔭᑎᒍᑦ ᑎᑎᕋᕐᕕᒋᒍᒃ ᐅᕗᖓ reception@neu.ca ᐊᔾᔨᖃᖅᑐᒥ ᓇᓗᓇᐃᒃᑯᑕᖅᑖᕋᓱᐊᕐᓂᕐᒧᑦ ᐊᒻᒪᓗᑦᑕᐅᖅ ᐊᓯᖏᓐᓂ ᑐᓴᒐᒃᓴᓂ ᑖᒃᑯᓄᖓ ᐃᑲᔪᕈᑎᒃᓴᓂ. ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖓᑕ ᐅᐸᒐᒃᓴᖏᑦ ᐊᑖᓂ ᑐᓂᓯᑐᐃᓐᓇᓲᖑᕗᑦ ᐅᖃᐅᓯᒃᓴᒐᓚᑐᐃᓐᓇᓂ ᐊᑐᓂᓄᑦ ᐊᒻᒪᓗ ᐅᖃᖅᓯᒪᔾᔮᓇᑎᒃ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᖏᑕ ᐊᑭᖏᓐᓂ.
Les Suites (Ottawa): www.les-suites.com
Quality Hotel (Ottawa): www.qualityhotelhottawa.com
Southway Hotel (Ottawa): www.southway.com
Clarion Hotel and Suites (Winnipeg): www.clarionhotelwinnipeg.com
Edmonton House Hotel: www.maclabhotels.com/ leisure_edmontonhouse.htm
Fraser Tower Hotel (Yellowknife): www.frasertower.com
ᖃᐅᔨᒋᐊᒃᑲᓐᓂᕋᓱᐊᕐᓂᕐᒧᑦ ᐅᑯᓇᓂ ᐃᑲᔪᕈᑎᒃᓴᓂ ᐊᒻᒪᓗ ᐊᒥᓱᓂᑦ ᐊᓯᖏᓐᓂᑦ, ᐅᐸᒍᒃ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᑦ ᑲᓇᑕᒥ ᑲᓇᑕᓕᒫᒥ ᖃᕋᓴᐅᔭᑎᒍᑦ ᑐᑭᓯᒋᐊᖅᑕᕐᕕᖓᓂ: www.psac.com/what/benefits/benefits-e.shtml
ᑲᑐᔾᔨᔪᑦ ᐃᓅᓯᕐᒧᑦ ᓇᓪᓕᐅᒃᑯᒫᕈᑏᑦ
ᐱᔪᓐᓇᐅᑎᖏᑦ ᐊᑐᐃᓐᓇᐅᔪᓄᑦ ᐱᔪᓐᓇᖅᑐᓄᑦ ᐃᓚᒋᔭᐅᔪᓄᑦ ᐊᒻᒪᓗ ᐃᓚᒌᖕᓄᑦ. ᖃᐅᔨᒋᐊᒃᑲᓐᓂᕋᓱᐊᕐᓂᕐᒧᑦ ᐊᒻᒪᓗ\ᐅᕝᕙᓘᓐᓃᑦ ᑐᒃᓯᕋᕐᓂᕐᒧᑦ ᓇᓗᓇᐃᒃᑯᑕᒥᑦ ᐅᕗᖓ ᑎᑎᕋᕐᓗᑎᑦ:
ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᑦ ᑲᓇᑕᒥ ᓇᓪᓕᐅᒃᑯᒫᖃᖅᑎᑦᑎᔩᑦ, ᑎᑎᖅᑲᕐᓂᐊᕐᕕᖓ 3518, ᓇᓗᓇᐃᒃᑯᑕᖅ C, ᐋᑐᕚ, ᐋᓐᑎᐊᕆᐅ K1Y 4H5 ᐅᖃᓗᒡᓗᑎᓪᓘᓐᓃᑦ 613-231-2266-ᒧᑦ
ᐊᖏᕐᕋᒧᑦ ᐊᒻᒪᓗ ᓄᓇᓯᐅᒻᒧᑦ ᓇᓪᓕᐅᒃᑯᒫᑦ
ᑮᓇᐅᔭᓂᒃ ᐊᑐᓗᐊᖅᑕᐃᓕᒪᓂᕐᒧᑦ ᐊᕖᕙ ᑕᐃᖅᓰᔨᓂᑦ. ᓱᒃᑲᔪᐃᑦ, ᓵᓚᖃᕋᓱᐊᑦᑎᐊᖅᑐᒥ ᐊᑭᓖᑦ, ᐊᑲᐅᔪᒥ ᐅᑎᖅᑎᑦᑎᓂᓖᑦ ᐊᒻᒪᓗ ᐊᑲᐅᔪᒥ ᑕᖅᑭᑕᒫᑦ ᐊᑭᓕᐅᑎᖃᖅᖢᑎᒃ ᕿᑐᙱᐅᙱᑦᑐᓂ.
ᑕᒪᐃᑎᒍᑦ ᖃᐅᔨᓇᓱᐊᕐᓂᕐᒧᑦ ᖃᐅᔨᓇᓱᒡᓗᑎᓘᓐᓃᑦ ᖃᔅᓯᑐᕋᔭᕐᒪᖔᑦ, ᐅᖃᓗᒡᕕᒋᒍᒃ ᐊᑭᖃᙱᑦᑐᒧᑦ ᐅᕗᖓ: 1-877-880-5029.
ᒫᔅᑕᑳᑦ ᐊᑭᓕᒃᓴᓂᒍᓐᓇᐅᑎᒥᑦ ᐊᐅᒃᑕᔫᒥᑦ
ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᖏᑦ ᑲᓇᑕᒥ ᐊᖏᕈᑎᖃᖅᓯᒪᕗᑦ ᑮᓇᐅᔭᖃᕐᕕᖕᒥᑦ ᒪᓐᑐᓕᐊᒥᑦ ᑐᓂᓯᓲᖑᔪᓂ ᐱᐅᓯᒋᐊᖅᓯᒪᔪᒥᑦ ᐊᑭᓕᒃᓴᓂᒍᓐᓇᐅᑎᒥᑦ ᐊᐅᒃᑕᔫᒻᒥᑦ ᐃᑲᔪᕈᑕᐅᔪᓂᑦ ᐃᓚᒋᔭᐅᔪᓄᑦ. ᑕᒪᓐᓇ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᖏᑕ ᑲᓇᑕᒥ ᒫᔅᑕᑳᑦ ᐊᑭᓕᒃᓴᓂᒍᓐᓇᐅᑎᒥᑦ ᐊᐅᒃᑕᔫᒥᑦ ᐃᓚᖃᕆᕗᖅ ᐊᑭᒃᖠᒋᐊᖅᓯᒪᔪᓂ ᐊᒻᒪᓗ ᐊᑭᓕᒐᒃᓴᓂᑦ, ᒫᔅᑕ ᐊᖅᑯᒻᒥᑦ ᐃᑲᔪᕈᑎᒃᓴᓂ, ᐅᖓᕙᕆᐊᖅᓯᒪᔪᒥ ᓇᓪᓕᐅᒃᑯᒫᖏᓐᓄᑦ, ᐊᒻᒪᓗ ᐊᑭᓖᙱᓚᐅᑲᒍᓐᓇᕐᓂᐅᔪᒥᑦ ᐱᓕᕆᐊᖑᔪᓐᓇᖅᑐᓂ. ᖃᐅᔨᒋᐊᒃᑲᓐᓂᕋᓱᖕᓂᕐᒥᑦ, ᐅᖃᓗᒋᑦ ᐅᕗᖓ 1-800-263-2263.
ᐃᓕᓐᓂᐊᑦᑎᐊᕐᓂᕐᒧᑦ ᑮᓇᐅᔭᖃᖅᑎᑕᐅᔪᑦ
ᑎᓴᒪᐃᑦ $1000-ᓂ ᐊᒻᒪᓗ 12 $300-ᓂ ᐃᑲᔫᓯᐊᖅᑖᒃᓴᑦ- ᐊᑕᐅᓯᖅ ᐃᓕᓐᓂᐊᖅᑎᒧᑦ ᐊᑐᓂ ᐊᕕᒃᑐᖅᓯᒪᔪᓄᑦ ᑲᓇᑕᒥ ᐊᒻᒪᓗ ᐅᑭᐅᖅᑕᖅᑐᒥᑦ- ᐊᑐᐃᓐᓇᐅᕗᑦ ᐊᕐᕌᒍᑕᒫᑦ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᑦ ᑲᓇᑕᒥ ᕿᑐᙵᕆᔭᐅᔪᓄᑦ ᑲᑐᔾᔨᖃᑎᒌᖑᔪᒧᑦ ᐃᓚᒋᔭᐅᔪᓄᑦ ᐃᓚᐅᑦᑎᐊᖅᑐᓄᑦ. ᐃᓕᓐᓂᐊᖅᑏᑦ ᐃᓱᓕᑦᑎᔪᑦ ᖁᑦᑎᖕᓂᖅᓴᒥ ᐃᓕᓐᓂᐊᕐᓂᐅᔪᒥᑦ ᐊᒻᒪᓗ ᐃᓯᖅᐸᓪᓕᐊᔪᑦ ᓯᕗᓪᓕᖅᐹᒥ ᐊᕐᕌᒍᖓᓂ ᔫᓂᕘᓯᑎᒥᑦ, ᓯᓚᑦᑐᖅᓴᕐᕕᖕᒥᑦ ᓄᓇᕗᒻᒥᓘᓐᓃᑦ ᐃᓕᓐᓂᐊᕐᓂᐅᔪᒥ ᐱᔪᓐᓇᖅᐳᑦ.
ᓄᓇᓯᐅᑎᓂ ᐊᑐᖅᑐᐊᕐᓂᖅ
ᐊᑐᖅᑐᐊᕆᐊᖃᖅᐲᑦ ᓄᓇᓯᐅᒻᒥᑦ? ᐊᐃᕕᔅ ᐅᖃᓗᒡᕕᒋᒃᑭᑦ ᐊᒻᒪᓗ ᓇᓗᓇᐃᖅᓯᓗᑎᑦ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᖏᓐᓂᑦ ᑲᓇᑕᒥ ᐃᓚᒋᔭᐅᓂᕐᓂ ᐅᕘᓇ ᔫᓂᐊᓐᑯᑦ ᐊᐃᕕᔅ ᓯᓚᕐᔪᐊᓕᒫᒥ ᐊᑭᒃᖠᒋᐊᕈᑕᐅᔪᒧᑦ ᓈᓴᐅᑎᖓᑎᒍᑦ (AWD) C835975. ᐊᑐᖅᑐᐊᒐᐃᑦ ᐊᐃᒍᕕᐅᒃ ᐱᔪᒪᓂᕐᓂᓪᓘᓐᓃᑦ ᐅᖃᓘᓯᖃᖅᑎᓪᓗᑎᑦ ᐊᑐᕆᐊᖃᖅᐸᐃᑦ ᖁᓛᓂ ᑎᑎᕋᖅᓯᒪᔪᒥ AWD ᓈᓴᐅᑎᖓᓂ. ᑖᓐᓇ ᓈᓴᐅᑎᐅᔪᖅ ᐱᒻᒪᕆᐅᕗᖅ ᐱᔪᓐᓇᕐᓂᕐᒧᑦ ᐱᓕᕆᐊᒃᓴᐅᑎᑕᐅᔪᒥ ᐊᒻᒪᓗ ᐱᔪᓐᓇᕈᑎᐅᔪᓂᑦ ᐊᑐᐃᓐᓇᐅᑎᑕᐅᔪᓂ ᐊᐃᕕᔅᑯᓐᓂ ᐅᑯᓄᖓ ᑭᒃᑯᑐᐃᓐᓇᕐᓄᑦ ᐱᔨᑦᑎᕋᖅᐸᖕᓂᕐᒧᑦ ᑲᑐᔾᔨᖃᑎᒌᖏᑕ ᑲᓇᑕᒥ ᐃᓚᒋᔭᐅᔪᓄᑦ.