ᐋᔩᖃᑎᒌᖕᓃᑦ ᓄᑖᒥᒃ ᐃᖅᖃᓇᐃᔭᖅᑎᓄᑦ ᐊᖏᖃᑎᒌᒍᑎᒧᑦ ᓄᓇᕗᒻᒥ ᐃᖅᖃᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ/ᑲᓇᑕᒥᑦ ᒐᕙᒪᒃᑯᓐᓂᑦ ᐃᖅᖃᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ (NEU/PSAC) ᐃᓚᒋᔭᐅᔪᓄᑦ ᐃᖅᖃᓇᐃᔮᖃᖅᑐᓂᑦ ᓄᓇᕗᒻᒥ ᒐᕙᒪᒃᑯᓐᓂᑦ ᐱᕙᓪᓕᐊᓕᖅᑐᑦ ᑭᖑᓂᐊᒍᑦ ᑕᒪᐃᓂᑦ ᐃᓚᒋᔭᐅᔪᑦ ᑐᓂᓯᖅᖄᖅᑎᓪᓗᒋᑦ ᐃᓗᐃᑦᑑᔪᒥᒃ ᑲᑎᕐᒪᔪᓂᑦ ᐱᕈᖅᐸᓪᓕᐊᓂᖃᖅᑐᒨᙱᑦᑐᖅ ᑐᒃᓯᕋᐅᑎᓕᐅᖅᑕᖏᓐᓂᑦ.

ᑲᑐᔾᔨᖃᑎᒌᑦ ᐊᖏᖃᑎᒌᖕᓂᐊᕐᓗᑎᒃ ᐱᓕᕆᐊᓕᑦ ᑲᑎᖃᑎᖃᓚᐅᖅᑐᑦ ᐃᖅᖃᓇᐃᔭᖅᑎᑦᑎᔨᒥᒃ ᐊᒻᒪᓗ ᑲᑎᖃᑎᒋᒃᑲᓐᓂᓚᐅᕐᓗᒋᑦ ᐱᓇᓱᐊᕈᓯᖓᓂᑦ ᑕᖅᖀᓐᓇᕐᔪᐊᖅ 13, 2025-ᒥᑦ, ᑕᒡᕙᐅᖃᑎᒋᓗᒋᑦ ᐋᔩᖃᑎᒌᒡᓗᑎᒃ. ᐊᖏᖃᑎᒌᖕᓂᐊᕐᓗᑎᒃ ᐱᓕᕆᖃᒃᑲᓐᓂᕐᓂᐊᕐᓗᑎᒃ ᐅᑉᓗᐃᑦ ᐋᖅᕿᒃᑕᐅᓚᐅᖅᑐᑦ ᐊᕗᓐᓂᕕᖕᒧᑦ, ᓇᑦᑎᐊᑦᒧᑦ ᐊᒻᒪᓗ ᓄᕐᕋᐃᑦᒧᑦ.

ᐊᖏᖃᑎᒌᓕᕆᔨtᑦ ᐱᓕᕆᓂᐊᖅᑐᑦ ᓂᕈᐊᖅᑕᐅᓚᐅᖅᑐᑦ ᓄᓇᕗᒻᒥ ᒐᕙᒪᒃᑯᑦ ᐊᖏᖃᑎᒌᖕᓂᐊᕐᓗᑎᒃ ᑲᑎᒪᑎᓪᓗᒋᑦ ᒪᓐᓃᑦᒥᐅᓚᐅᖅᑐᒥᑦ. ᑲᑎᒪᔪᓂᑦ, PSAC-ᑯᑦ ᑎᒃᑯᐊᓚᐅᖅᑕᖓ ᔫᓂᔅ ᕿᐸᓐᓂᖅ-ᐸᓂᒐᔭᒃ ᐃᓚᒋᔭᐅᓂᐊᕐᓗᓂ, ᐊᔾᔨᒌᖓᔪᒃᑯᑦ ᐊᒥᓲᑎᒋᓂᐊᕐᓗᑎᒃ ᐃᓄᐃᑦ ᐊᒻᒪᓗ ᐃᓄᐃᑦ-ᖑᙱᑦᑐᑦ ᐃᓚᒋᔭᐅᔪᑦ ᐊᒻᒪᓗ ᐊᔾᔨᒌᒡᓗᑎᒃ ᖃᑉᓯᐅᓂᖏᑦ ᐊᖑᑏᑦ ᐊᒻᒪᓗ ᐊᕐᓇᐃᑦ ᐃᓚᒋᔭᐅᔪᑦ.

ᐊᒥᓲᒐᓗᐊᖅᑎᓪᓗᒋᑦ ᐱᓇᓱᐊᕈᑏᑦ ᐊᑦᑐᐊᓂᖃᖅᑐᑦ ᐱᓕᕆᖃᑎᒌᓄᑦ, ᐊᑕᖐᑦᓯᐊᖅᑐᓂᑦ ᐃᓱᒫᓘᑎᑕᖃᕐᒥᔪᖅ, ᐅᖃᓕᒫᕈᓐᓇᖅᑕᑎᑦ ᐊᑖᓂᑦ. ᖃᐅᔨᒋᐊᒃᑲᓐᓂᕆᑦ ᐱᕙᓪᓕᐊᒃᑲᓐᓂᕐᒪᖔᑦ!